Limun karo Edy esuk esuk Karo ngurusi manuk neng ngarep umah nyambi gojegan. Ana wong mlaku dengklang liwat ngarep Rumah Sakit jere sikile bengkak uga gembyur-gembyur abang ireng. Banjur difoto ditakokna maring kancane sing dadi dokter, jerene anu penyakit buerger.
Banjur nggo gojegan Edy karo Limun merga jeneng penyakit koh kaya panganan.
Penyakit Buerger kue anu peradangan uga penyumbatan neng pembuluh darah sekitar tangan uga sikil.
Merga kondisi kue nyebabna nyeri neng tangan uga sikile wong. Nek parah penyakit Buerger utawa thromboangiitis obliterans bisa nimbulna infeksi sing bisa dadi gangrene. Yakuwe kematian jaringan merga aliran oksigen uga nutrisi maring area kuwe Kesembat dadi ketugel alirane. Akhire wernane dadi ireng nganti kudu di amputasi, merga mbosoki dadi marakna sumber infeksi.
Sing nyebabna penyakit Buerger tekan siki ora jelas. Akeh sing spekulasi merga mbako, mbuh rokok, cerutu tekan bentuk liyane sing marakna gangguan pembuluh darah. Tapi ya urung ana penelitian khusus merga kuwe, jerene ana zat mbako sing marakna iritasi dinding sisi njero pembuluh darah, dadi sing jelas anu anane gangguan pembuluh darah cilik cilik neng pucuk driji tangan uga sikil.
Seliane mbako, ana rong faktor liyane sing keduga marakna penyakit Buerger, yakuwe faktor genetik karo penyakit autoimun. Akehe wong sing umure 40–45 tahun.
Penderita penyakit Buerger bisa ngalami nyeri parah neng tangan uga sikil. Nyeri kuwe bisa kapan Bae, mbuh pas aktivitas (klaudikasio) utawa pas istirahat.
Seliane kuwe, nyeri uga bisa tambah nek pasien stres utawa kenang udara dingin. Cirine drijine sikil karo tangane pucet, mbrambang abang, utawa biru, tangan sikile adhem, merga alirane darah ora lancar (sindrom Raynaud).
Tangan sikil kerasa kesemutan nganti rasa, pucuk drijine ngalami owah warna kulite, nganti ana koreng sing lara rasane. Ndang maring dokter utamane bedah, biasane Rika pada banjur dibersihkan lukane, bengkake diwei irisan nen lancar aliran darahe, banjur diwei obat obat pencair darah dirawat bareng dokter penyakit dalam.
Mriksa penyakit Buerger, biasane Rika dikon ngepel kenceng tangan kiwa tengen sing suwe, banjur diukur suwenebalik maning wernane kulite Rika. Sing suwe mbalike kuwe biasane ana sumbatan, mriksa kaya kuwe dijenengi Allan test.
Mriksa liyane biasane nganti dicek angiografi, karo CT scan utawa MRI sing carane disuntik cairan khusus mlebu pembuluh darah.
Rika uga dicek darahe nggo ngecek faktor pembekuane senajan penyebabe urung jelas dingerteni. Rika pada kudu ngerti cara ngindarine utawa nyegah, ya jajal ora ngrokok, ngindari udara adhem, kaos kalian, ngindari luka neng sikil, sering diwei anget anget neng sikil, uga olahraga karo ngindari ben darahe ora kenthel merga gula Karo kolesterol.
Nek terapi dokter ya ngombe obat pencair darah sing terkontrol manut dokter nganti oprasi ganglion simpatectomy , akupuntur blokade syaraf nyeri Karo dialiri listrik. Kuwe Kabeh usaha menungsa miturut ilmu kesehatan. Nek wong Sunda apa wong Jawa ana totok punggung nganti kerokan .
Rika nyong pada pancen sedrema nglakoni Urip. Usaha mbeneri nasib ning ora bisa nglawan takdir. Ana wong ora seneng awake dhewek ora gelem tabayun takon ya akeh, seneng pada ndeleng kulite merga dipanasi wong liya. Akhire ana wong tugas maring luar kota mbangun jaringan uga tugas workshop uga pelatihan seminar liyane nggo masa depan lembaga ya disalahna, apamaning angger ana ASN sing dibayar karo duit negara, tugas luar kota terus kepriwe kuwe.
Mula rika nyong Mayuh pada ngaca, posisine neng ndi, nek alirane informasi kesumbat ya Rika pada kaya penyakit buerger, meradang bisa nganti pedhot silaturahmi merga suudzon. Kelilaan.
